الأحد، 28 سبتمبر 2008

تاريخ السويس في صور ( بعضها نادر جدا ) الجزء 1



تاريخ السويس في صور البعض منها صور نادره جدا
ويحتوى هذا الجزء على صور فترة الحرب والعدوان
والمقاومة الشعبية

اضغط عل الصور للتكبير

اجمل علم ( رمز احلي بلد )





اصدقائى الاستاذ حسام الحريرى صاحب صفحة ذاكرة السويس والاستاذ وليد الحريرى صاحب صفحة ذكريات السويس ربنا يرحمه وقد استعرنا من صفحاتهم وبعد اذنهم بعض الصور النادرة  للسويس زمان . وسوف تجد على الصور الخاصة بهم اللوجو الخاص بصفحاتهم .. اخيرا ارجو من كل من يشاهد هذا البوست الدعاء بالرحمة للاستاذ وليد الحريرى الخلوق والذى لم ترى السويس مثله فى اخلاقه وابتسامته الدائمة والرضا عن كل ما اصابه من مرض جعله الله فى ميزان حسناته



نبدأ الصور بصور خاصة بى وبأخواتى وبأبى رحمهم الله فى السويس
فى خمسينيات وستينيات وسبعينيات القرن الماضى (القرن العشرين )


صورة نادرة بجانب تمثال النمر البنغالى والذى كان موجود فى بورتوفيق فى مدخل القناة
وتم هدم التمثالين اثناء حرب الاستنزاف بعد نكسة 1967
ويظهر فيها اخى محمد عبد المنعم رحمه الله اول واحد على الشمال
 وبالطبع انا اصغر واحد فى الصورة عام 1963


الحديقة الفرنساوى عام 1963 وبصحبة اخى محمد عبد المنعم
واحد اصدقائه كان اسمه قرقر


الحديقة الفرنساوى عام 1962 بصحبة اخواتى محمد عبد المنعم احمد 
وبدر عبد المنعم احمد وكان المصوراتى يصطحب معه هيكل خشب
لأى شكل او لوحة لمنظر طبيعى لاغراء الاطفال بالتصوير بجانبها



الحديقة الفرنساوى عام 1963 وبصحبة اخواتى محمد عبد المنعم احمد على اليمين
وبدر عبد المنعم احمد على الشمال رحمهم الله
والطفلة بنت خالتى واختى فى الرضاعة


قول للزمان ارجع يازمان شاطئ الكبانون عام 1966
وكان من اجمل شواطئ الجمهورية ربنا يجازى اللى خربه
اخى بدر عبد المنعم الاول من الشمال تليه اختى يليها فرج فكرى 
ابن خالتى وخطيب اختى فى ذلك الوقت ربنا يرحمه ثم انا يمين الصورة


والدى عبد المنعم احمد عثمان على اليمين فى خمسينيات القرن العشرين
ويظهر فى الصورة مبنى المحافظة القديم على اليمين وخلفه حديقة النافورة
وشمال الصورة مبنى الاتحاد الاشتراكى والذى اصبح الحزب الوطنى بعد ذلك
والان تم هدمه وبنى مكانه مبنى القضاء الادارى ومجلس الدولة


والدى عبد المنعم احمد عثمان  يسار الصورة فى خمسينيات القرن العشرين
امام مبنى المحافظة القديمة والتى كانت جديدة فى ذلك الوقت



والدى عبد المنعم احمد عثمان  يمين الصورة فى خمسينيات القرن العشرين
امام مبنى المحافظة القديمة والتى كانت جديدة فى ذلك الوقت


والدى الثانى من اليمين مع اصدقاءه جابر بديوى وبدر بشير 
 حى السلمانية بالغريب



ايام ما كنا بنقعد نصطاد على الكنال لوت ودنيس وحفارة
مع صديقى ايمن ابو العينين 3 سبتمبر 1982


شاطئ ريكس عام 1976 بعد ما رجعنا من الهجرة
مع اصدقاء دراسة محمد سعد واسماعيل محمد
انا اول واحد يمين الصورة


فى خلف الصورة دا فانوس زنوبيا وتم وضعه هنا فى نفس مكان
فنار زنوبيا بعد ان تهدم نتيجة اصطدام احدى السفن به
وهو علامة ارشادية للمراكب التى ستمر من الكنال



فى عام 2012 وبعد الثورة تم وضع سور من السلك
حول ممشى بورتوفيق على الكنال والذى كان اجمل متنزه للسوايسة
وسنظل نطالب بفتح الممشى للجمهور مرة اخرى
وسنظل نهتف ونقول #الحرية_ لبورتوفيق 
فهى حبيسة داخل الاسلاك


الصورة دى قام بتجميعها استاذ وليد الحريرى الله يرحمه
ووضعها على صفحته ذكريات السويس
ربنا يرحمك ياوليد





ميناء الخور


السويس وميناء الخور  عام 1845
السويس وميناء الخور عام 1860


الفلاحين يقومون بحفر القناة


الخديوي اسماعيل والامبراطوره اوجيني في حفل افتتاح القناه
في 17 نوفمبر 1869




ميناء الخور اواخر القرن 19


ميناء الخور اوائل القرن العشرين
ويظهر اعلى منتصف الصورة فيلا الخديوي اسماعيل


ميناء الخور اوائل القرن العشرين


غاطس ميناء السويس قديما






قناة السويس في الماضي


بحر الخور ويظهر فى الصورة مسجد سيدى الغريب


مسجد سيدى الغريب اواخر القرن 19


المستشفى الاميرى العام فى ثلاثينات القرن العشرين


مسجد سيدى الغريب اوائل القرن العشرين


مسجد الطرابلسى منتصف القرن العشرين
ويظهر قصر محمد على فى نهاية الصورة


جانب التلغراف الانجليزي ( مازال موجود حتي الان )



بوستال كارد لشارع الكساره ويلاحظ ان كل التجار كانوا خواجات


شوارع السويس القديمه والبيوت البغدادلي والحنطور المواصله الرئيسيه
والسفا الذي يوصل المياه للبيوت بالقرب

شارع كولمار او النمسا حاليا اواخر القرن19

كنيسة المخلص بشارع الجيش بنيت عام 1902
 والبيت على الشمال مكان عمر افندى حاليا 
ويظهر القطار يسير امامها


شوارع السويس زمااااااااااان والبيوت البغدادلي




على اليمين قصر محمد على من الخلف وامامه حاليا قسم السويس
وفى المنتصف بيت مكان بنزايون حاليا وكانت تسكن فيه اسرتى فى الخمسينات قبل ميلادى 
وخلفه مسجد ابو الليف



شارع كولمار او شارع او شارع النمسا عشرينات القرن العشرين


احد شوارع السويس ثلاثينات القرن العشرين


الصوره دي تقريبا للبيت خلف الجمعيه التعاونيه التي في السويس حاليا الشارع اللي خلف الجمعيه مباشرة


طقم موظفين جمرك السويس عام 1931 
( يمكن اي فرد من زوار الموقع يشوف جده هنا )


محطة قطار السويس ثلاثينات القرن العشرين


محطة القطار التي كانت امام شارع النمسا
(اسفل الصوره الي الشمال تماما يعتبر مكان بائع السريديا الحالي
والبيت البغدادلي علي اليمين مكان مستشفي المبره حاليا)



شركة الفحم داخل ميناء بورتوفيق ثلاثينات القرن العشرين
والجامع اعلى الصورة مازال موجود امام باب خمسة


محطة قطار السويس ثلاثينات القرن العشرين


السكة الحديد امام الفيلل الفرنساوي ببورتوفيق حيث كانت تصل الي الميناء
ويلاحظ وجود كوبري للمشاه فوقها اربيعينيات القرن العشرين


شارع 26 يوليو من بعد شارع النمسا فى اتجاه الاربعين والسنترال الانجليزى
ثلاثينات القرن العشرين 


ميناء الزيتيه القديم خلف شركة شل ( النصر للبترول ) اربعينات القرن العشرين


ترعة الاسماعيلية من عند الهويس


مبني التلغراف الانجليزي امام عمر افندي خمسينات القرن العشرين
ويلاحظ وجود السكه الحديد امامه في شارع الجيش ( مازال موجود حتي الان )


محطة قطار القلزم ويلاحط فيلا الخديوي
اسماعيل فى اعلى الصورة اوائل القرن العشرين


بورتوفيق ومدخل الكنال اوائل القرن العشرين


ميناء بورتوفيق زماااااان


قصر محمد علي بناه محمد على عام 1811
استعدادا لمحاربة الوهابيين



تمثال النمر البنغالى في مدخل القناه في اول بورتوفيق واول القناه


منظر من البحر لتمثالين النمر البنغالى والمسله المهدمه حاليا
ومبني الارشاد القديم لهيئة قناة السويس ( صوره رائعه ونادره جدا )


بيت المساجيري منتصف القرن العشرين
 مازال موجود حتي الان


العلم المصري للقوات المصريه في حرب 1956


متحف السويس والذى تهدم فى حرب 67

احدي الطائرات اليهوديه المضروبه في حرب 1956


عبد الناصر في السويس والقطار يمر به في شارع الجيش
عام 1966

محطة الاوتوبيس القديمه بالاربعين 1980 تقريبا


بيت المساجيرى ( المساجيرية )


فلايك الصيد فى منطقة السواحل بطريق بورتوفيق
بعد ان تم نقلها من الخور عام 1980 تقريبا



وتمثال المدخل الجنوبى لقناة السويس 
النمر البنغالى الذى تهدم فى حرب 1967


الكورنيش قبل 1967 امام مبني المحافظه وعمارة كمبورس
ويلاحظ ان البحر كان مكان جنينة الخالدين حاليا ( صوره للتاريخ )


البمبوطيه بالمراكب القديمه بالشراع ( زماااان )


ميناء بورتوفيق خمسينات القرن العشرين



قصر محمد علي 1980 تقريبا

البمبوطيه زمااااااان يروحوا للمراكب فى الغاطس
يبيعوا ويشتروا


تمثال النمر البنغالى فى المدخل الجنوبى
للكنال


محطة القطار القديمه بميدان الاربعين سبعينات القرن العشرين


ميناء اليتكه سبعينات القرن العشرين



ميدان الخضر قبل 1967 منتصف الصورة بيت روفائيل
مكانه حاليا برج موبينيل يليه عمارة عزيز الياس مكانها حاليا برج بنك فيصل
وكان يوجد تحتها قهوة ابو حجازية وتضع بعض كراسيها على الكورنيش
واليحر كان عند الشارع مكان مدرسة فتية الاسلام وبنزينة موبيل حاليا


ننتقل هنا لمرحلة اخري وهي فترة حرب 1967 وحرب الاستنزاف
وحرب اكتوبر 1973
حتي لا ننسي كيف عانت الاجيال القديمه
وكيف ضحت حتي نعيش نحن في عزه وكرامة
---------------

شارع الجيش واحدى دبابات العدو


استاد السويس القديم امام المعهد الازهرى فترة العدوان 1970
ويلاحظ شركة شل اعلى الصورة

منظر مؤلم بعد احدى غارات العدو فترة العدوان  1968

دخلوا يستخبوا بين مساكن المثلث 
بس برضوا انضربوا 24 اكتوبر 1973

اول زيارة للسادات مع المشير احمد اسماعيل 
للسويس بعد انسحاب اليهود 1974

يلاحظ دبابة مضروبة بشارع الجيش ا


دبابات العدو امام المحافظة وقصر الثقافة 24 اكتوبر 1973

دبابات العدو محطمة امام قسم الاربعين بشارع الجيش
24 اكتوبر 1973

الصورة دى هايلة فترة العدوان 1970 . على الشمال خلف الزرع جانب مدرسة السويس القديمة بنات
يليها جنينة موجودة حتى الان يليها عمارة رونكا وتم تعميرها وعادت كما كانت وموجودة حتى الان2024
على اليمين البيت مكانه برج حاليا يليه مبنى كوبانية المياه تبع الهيئة وما زال موجود حتى الان
اخر الشارع دا كنيسة الراعى الصالح وتقاطع شارع الجيش

البيت دا قبل سينما مصر امام الجنينة بشارع الجيش
ومنظر لهجرة اهل المدينة والذهاب للمجهول 1968

شارع الجيش وفندق مارينا امام كنيسة الراعى الصالح
1970 فترة العدوان


شارع عمرو بن العاص فى نهايته سينما مصر
وجامع ابو العزايم اعلى الصورة 1970

كنيسة الراعى الصالح بشارع الجيش فترة العدوان 1970


دبابة للعدو استخرجت من الكنال اثناء تطهيرها
ووضعت فى بورتوفيق امام مسجد بدرحتى اوائل ثمانينات القرن 20


شارع الجيش وشريط القطر اتكسر واترفع لاعلى من شدة الضرب


اثار العدوان

دبابة العدو امام قصر الثقافة

قائد حصن بورتوفيق المنيع ( النقطة الحصينة بعيون موسى شرق قناة السويس امام بورتوفيق )
شلومو اردنست يستسلم مع جنوده ويسلم سلاحه وعلم بلده لقائد الكتيبة 43 صاعقة المصرى زغلول فتحى
فى وجود وكالات الانباء العالمية وذلك بعد اقتحام الحصن وسقوطه يوم 13 اكتوبر 1973


بطل المقاومة الشعبية ورئيس منظمة سينا محمود عواد
يقفز فوق دبابة اسرائيلية ويرمى قنبلة يدوية بداخلها يوم24 اكتوبر 1973

البطل محمود عواد ربنا يرحمه فوق الدبابة الاسرائيلية 
فى شارع الجيش اثناء محاولة احتلال السويس 24 اكتوبر 1973
فيه فى الدنيا بطولة وشجاعة بالشكل دا

كماين فى المثلث فى انتظار جنود العدو



دبابات العدو فى المثلث يوم 24 اكتوبر 1973
تستعد لدخول مدينة السويس ثم خرجوا يجروا ويجرون اذيال الهزيمة

24 اكتوبر 1973 استعداد دبابات العدو لدخول المدينة من ثلاث محاور
غير متوقعين ماذا ينتظرهم من المقاومة الشعبية واهالى المدينة


شارع الجيش وفرحة النصر
25 اكتوبر 1973


فترة حرب الاستنزاف وشوالات الرمل امام
 القهاوى والمحلات فى السويس اواخر ستينات القرن 20

محافظ السويس محمد بدوى الخولى يدير شئون مدينة السويس من محل محمد على البقال
 فى شارع شميس  اثناء حصارها ومحاولة اقتحامها فى  24 اكتوبر 

سينما مصراواخر 1967
كانت الناس لم تهاجر كلها


شارع الشهداء 1970
على اليمين مدرسة السويس القديمة بنات


عبد الناصر والفريق اول محمد فوزى وزير الحربية
امام النافورة 1969



جنود العدو وفترة استرخاء قبل محاولة دخولهم السويس
ماكانوش متوقعين ان حتتفتح عليهم طاقة من جهنم  فى المينة


اثار العدوان وفترة الاستنزاف






المثلث واثار هزيمة العدو

دبابة مضروبة امام سينما مصر 1974


اثناء حصار المائة يوم قوات الطوارئ الدولية تفصل قوات العدو عن السويس
من نقطة كمين المثلث نوفمبر 1973

جامع العشى 1970

دبابة مضروبة بجوار قسم الاربعين 1974


كورنيش السويس 1970

شارع خالد بن الوليد فترة العدوان 1970
على الشمال مستشفى الهلال يليها مدرسة الراعى الصالح
يليها منزل مكانه حاليا مستشفى الامل

كشك جرايد عم حسن السودانى فترة العدوان
لم يترك السويس طوال فترة الحرب

كشك جرايد عم حسن السودانى ناصية شارع الشهداء وشارع سعد زغلول
ويظهر جامع الشهداء فى الصورة فترة العدوان


كشك جرايد عم حسن السودانى ناصية شارع الشهداء مع شارع سعد زغلول 
امام محل باراديس لم يترك السويس طوال فترة الحرب

عبد الناصر مع الفريق محمد فوزى امام حديقة النافورة 1969

الدبابة اللى كانت فى بورتفيق امام مسجد بدر 
وتم استخراجها اثناء تطهير الكنال بعد الحرب 1975


رفع اثار العدوان عام 1974

عبد الناصر مع الفريق اول محمد فوزى وزير الحربية على الكورنيش
 امام مبنى محافظة السويس عام1969
محمد فوزى هو من بنى الجيش مرة اخرى بعد هزيمة 1967 
وقاد حرب الاستنزاف حتى وفاة عبد الناصر


قصر الثقافة فترة العدوان والغارات على السويس


جنود اسرائيليون بعد استاد السويس القديم
فى انتظار دخول السويس يوم 24 اكتوبر 1973


ميدان الخضر يوم 24 أكتوبر 1973 لحظة دخول قوات العدو

حصار السويس من الخارج بعد 24 اكتوبر 1973
حصار المائة يوم

مسجد العشى فترة العدوان


شارع الشهداء مع بداية عودة اهل السويس لبلدهم 1975

مسسجد العشى فترة العدوان

شارع الجيش اوائل سبعينات القرن20




اثار العدوان على المسلة والنمر البنغالى ببورتوفيق 1974


رفع اثار العدوان والحرب عام 1974
على اليمين محطة القطر امام شارع النمسا

فترة حرب الاستنزاف المعهد الازهرى ومسجد الشبان المسلمين
امام استاد السويس القديم

فترة حرب الاستنزاف الكورنيش والمحافظة وعمارة كمبورس


خنادق الجنود على الكورنيش امام مبنى المحافظة
فترة حرب الاستنزاف قبل 1973


قائد حصن بورتوفيق المنيع ( النقطة الحصينة بعيون موسى شرق قناة السويس امام بورتوفيق )
شلومو اردنست يستسلم مع جنوده ويسلم سلاحه وعلم بلده لقائد الكتيبة 43 صاعقة المصرى زغلول فتحى
فى وجود وكالات الانباء العالمية وذلك بعد اقتحام الحصن وسقوطه يوم 13 اكتوبر 1973

شارع الجيش لاحظ ان شريط السكة الحديد
اتكسر وانثنى لاعلى من شدة الضرب

شارع الجيش


دوران ميدان الخضر ويلاحظ اثار الضرب على
مساكن الغريب اللوكس اثناء حرب الاستنزاف في 1967

كل الصور دي مش محتاجه تعليق
دى عمارة الديدي ببورتوفيق

بورتوفيق قبل باب الميناء


شارع الشهداء وتظهر فى الصورة سينما رجب
الشتوى والصيفى 1970



اطفاء الحرائق المشتعله في شركة شل
ظلت هذه الحرائق مشتعلة لمدة 3 ايام متواصله مع العلم ان تنكات الزيت كانت خاليه )


شركة شل فترة الاستنزاف


بورتوفيق والفيلل الفرنساوى اعلى يسار الصورة 1970



بورتوفيق امام الكنال 1970




وكالات الانباء العالمية فى بورتوفيق وامام مبنى الارشاد القديم
لتصوير استسلام واسر جنود النقطة الحصينة بعيون موسى
على الضفة الشرقية للقناة . يوجد فيديو على اليوتيوب لهذا الحدث
13 اكتوبر 1973








نظره الي المستقبل المجهول

لحظة العبور والانتصار

دبابة اسرائيلى مدمرة فى شارع الجيش

هزيمة اليهود علي ايدي ابطال شعب السويس


شارع الجيش بعد هزيمة اليهود

الدبابات مدمره امام قسم الاربعين


دبابه اسرائيلي مدمره بجوار سينما مصر
فى شارع الجيش
ر


الديايات مدمره في شارع الجيش


دبابه مدمره فى شارع الجيش


دبابه مدمره امام سينما مصر


جيهان السادات امام احدى الدبابات المدمرةعام 1974
بعد فك الحصار وانسحاب اليهود

استاد السويس القديم امام المعهد الدينى واعلى الصورة
تظهر شركة شل واثار العدوان وحرب الاستنزاف واضحة على الصورة
قائد حصن بورتوفيق المنيع ( النقطة الحصينة بعيون موسى شرق قناة السويس امام بورتوفيق )
شلومو اردنست يستسلم مع جنوده ويسلم سلاحه وعلم بلده لقائد الكتيبة 43 صاعقة المصرى زغلول فتحى
فى وجود وكالات الانباء العالمية وذلك بعد اقتحام الحصن وسقوطه يوم 13 اكتوبر 1973

دبابة اسرائيلية محطمة امام عمارة بالمثلث
يوم 24 اكتوبر 1973


الدبابات الاسرائيلية امام عمارة ظاظا وشارع الشهداء
يوم 24 اكتوبر 1973


فترة حرب الاستنزاف المحافظة على الشمال يليها حديقة النافورة ثم عمارة كمبورس
وامام سور الكورنيش على اليمين خنادق للجنود عام 1970تقريبا


فرقة اولاد الارض وكان لها دور كبير في رفع الروح المعنويه للجنود والمقاومه
وشعب السويس ( ربنا يديله الصحه الكابتن غزالي الشاعر مازال موجود بيننا
حتي رفع الصورة ) رحم الله الكابتن غزالى

الحاج حافظ سلامه ورمز الصمود ( ربنا يرحمه )


الشيخ حافظ وسط ابطال المقاومه في ساحة مسجد الشهداء


الشيخ حافظ وابطال المقاومه

يوم 24 اكتوبر 1973 المجيد




احمد عطيفى واعضاء المقاومة عند تمثال
النمر البنغالى ببورتوفيق فترة الاستنزاف

 محمود عواد واحمد عطيفى فى معرض
الغنائم بعد فك الحصار وانسحاب القوات الاسرائيليية اوائل 1974

احمد عطيفى فى معرض
الغنائم بعد فك الحصار وانسحاب القوات الاسرائيليية اوائل 1974



جزء من طائرة اسرائيلية مضروبة فى معرض
الغنائم بعد فك الحصار وانسحاب القوات الاسرائيليية اوائل 1974


صورة فى شارع الجيش وفرحة النصر


فدائيين المقاومة الشعبية فى السويس
وفرحة النصر


احمد عطيفى واعضاء منظمة سيناء وصورة فى بورتوفيق
امام احد البيوت المهدمة


احمد عطيفى واعضاء منظمة سيناء وصورة فى بورتوفيق
 لاحظ بداية تهدم تمثال النمر البنغالى فترة الاستنزاف

الفدائي عبد المنعم قناوي ومعه المدفع الذي تم تثبيته على احدى العربات المصنعة يدوياً
وتم استحدامه اثناء حصار اليهود للسويس




فدائيين المقاومة الشعبية يوم 24 اكتوبر 1973

الحاج حافظ سلامة مع فدائيين المقاومة بعد فك الحصار
فى معرض الغنائم اوائل عام 1974


الشيخ حافظ سلامة مع فدائيين المقاومة

اعضاء منظمة سيناء


فرقة ولاد الأرض يتوسطهم الكابتن غزالي سنة 1971


فدائيين السويس يقف بينهم مدير الامن محيى الدين خفاجة والمحافظ بدوى الخولى
 امام منزل الفدائى غريب محمد وأهالى شارع شميس اثناء حصار السويس 1973


فدائيين السويس أحمد العطيفي و ميمي سرحان و عبد المنعم قناوي
 يقرأون الفاتحة على قبر الشهيد مصطفى ابو هاشم سنة 1970

اعضاء المقاومة فى مقابر الشهداء لزيارة من استشهد من افراد المقاومة وقت المعارك 
كان يطلق على هذه المنطقة ارض الشهداءوالان اصبحت موقف للميكروباس
بعد ان تم نقل رفات الشهداء الى مقابر امام قيادة الجيش الثالث





الساتر المبنى امام مدخل جامع الشهداء مكتوب عليه اسماء ابطال وشهداء معركة السويس
وكان موجود ساتر بالطوب مثل ذلك امام كل مبانى المحافظة وتم هدمها بعد انتهاء الحرب
ماعدا هذا الساتر رفض الشيخ حافظ سلامة هدمه قائلا الحرب مع اليهود لم تنتهى بعد


فدائيين منظمة سيناء

فبراير عام 1970 ايام حرب الاستنزاف فى أحتفال جمعية الشبان المسيحيين بفرقة أولاد الارض

ولاد الارض وجولة وسط بيوت المدينة المدمرة فترة حرب الاستنزاف

الكابتن ربنا يرحمه فى المكتبة بتاعته

الكابتن غزالى فى الكبانون ايام الشباب

الكابتن غزالى وولاد الارض

الكابتن غزالى 

فرقة اولاد الارض بقيادة الكابتن غزالى وبجواره عبد الرحمن الابنودى

فرقة اولاد الارض بقيادة الكابتن غزالى
فى التليفزيون المصرى مع سلوى حجازى وعبد الحليم حافظ

ابطال المقاومة الشعبية منظمة سيناء فى السويس

ابطال المقاومة الشعبية منظمة سيناء فى السويس

فدائيين منظمة سيناء









الشهيد فايز حافظ امين فدائى بمنظمة سيناء























فدائى عبد المنعم قناوى











اشهر ابتسامة فى حرب اكتوبر بعد العبور

عبد الناصر على الجبهة اثناء الاستنزاف


صورة للتاريخ مع الكابتن غزالى والبطل محمود عواد ربنا يرحمهم

للتاريخ مع الكابتن غزالى

صورة للتاريخ مع البطل عبد المنعم قناوى
11 نوفمبر 2014


مع البطل محمود سعد الجلاد
عضو الفرقة 39 قتال صاعقة مع عريس الشهداء ابراهيم الرفاعى
15 يونيو 2016






السويس اليوم
لنا الفخر جميعا اننا ابناء السويس
---------------


تمثال للجندي المصري بالكورنيش



معرض الغنائم للدبابات الاسرائيليه بالحديقه الجديده






مبني محافظة السويس ثمانينات القرن العشرين




ابراج الصفا بالزراير
 



الكنيسة اللاتينية بشارع سعد زغلول امام برج شنتكلير 1980 تقريبا


استاد السويس الجديد

اوائل القرن 21



حديقة الخالدين امام المحافظه ثمانينات القرن العشرين
ويلاحظ ان حديقة الشهداء والكورنيش الجديد
 تحت الانشاء رحم الله تحسين شنن محافظ السويس أنذاك


ميدان الاربعين اوائل القرن 21


جامعة قناة السويس فى بداية انشاءها اوائل القرن 21


بورتوفيق



بورتوفيق اوائل القرن 21


مدخل حوض الدرس وحديقة المتحف الجديد
اوائل القرن 21


طريق بورتوفيق فى ثمانينات القرن 20 والحدائق فى بداية انشاءها


فرن شكوكو في حلقة السمك المهدمه بالاربعين
وهى اخر جزء تم هدمه فى الحلقة ونقلها للانصارى
فى تسعينات القرن العشرين


امام مبنى محافظة السويس وبداية انشاء حديقة الخالدين
وبداية ردم وعمل الكورنيش الجديد عام 1987
رحم الله تحسين شنن محافظ السويس وقتها


استاد السويس القديم بعد ان تم هدم المدرجات 1988


احدي الفيلل ببورتوفيق


استراحة الرئيس السادات ببورتوفيق


ميدان الخضر 2009



الحديقه الفرنساوي
معلش الصورة غير جيدة بس بعتز بيها لانى صورتها باول تليفون بكاميرا 6600


نادي اليخت ببورتوفيق

سقالة لنشات المرشدين ببورتوفيق 1980


ميناء السويس ( صوره من البحر ) 1980

مسجد بدر ببورتوفيق تسعينات القرن العشرين


( الله الله علي جمالك يابلدي )


مسجد سيدي الغريب اوائل القرن21


مسجد سيدي الغريب

مسجد سيدي الاربعين اواخر القرن العشرين




مسجد بدر ببورتوفيق تسعينات القرن20




مراوح توليد الكهرباء بالزعفرانه


مسجد حمزه بن عبد المطلب






احدي عيون موسي الاثني عشر


شركة السويس لتصنيع البترول ( المعمل )


شركة شل لتصنيع البترول والمساكن الشرقيه



مقابر جنود دول الكومنولث فى الحرب العالميه

مأمور قسم السويس بجانب مدفع رمضان ( علي فكره يبقي ابن خالتي )



العسكري المختص بالنداء لانطلاق المدفع ساعة الافطار
2005 تقريبا



سفر الحجيج من ميناء بورتوفيق


خروج مركب الحجيج من الميناء


مدخل نفق الشهيد احمد حمدي للعبور من السويس الي سيناء

داخل النفق


ده تمثال عن مدخل النقطه الحصينه بعيون موسي
وهي احدي نقاط خط بارليف


احدي عيون موسي

واحة عيون موسي


العين السخنه ( فندق بورتريه )


احدي واحات نخيل الدوم بجبل عتاقه في وادي الدوم بعد العين السخنه


احدي القري بالسخنه



وادي الدوم بجبل عتاقه


احدي عيون موسي الاثني عشر


ترمبة كالتكس بطريق الزيتية

طريق ناصر وعمارات الصفوه ومسجد حمزه

النادي الاجتماعي ومطعم كاستيللو 2002

قصر الثقافة والباركنج اصبح مبنى جديد تابع لمحافظة السويس 2015

قرية الحجاج 2017

مبني المحافظه عندما تم تغيير اللون الازرق الى الاصفر 2017

لفظ الجلالة بطريق بورتوفيق


احد الفنادق بالعين السخنه ستيللا دي ماري






ونش بحري تابع لترسانة السويس البحريه

بورتوفيق اوائل القرن 21



ميناء بورتوفيق اواخر القرن العشرين





قناه السويس

بورتوفيق و قناة السويس اوائل القرن 21


ميناء بورتوفيق تسعينات القرن العشرين


بورتوفيق عام 1990 تقريبا




فندق بالميرا
والمنطقه التي يوجد بها تسمي ساند بيتش وهي
تبعد عن السويس بحوالي 40 كم اي قبل العين السخنه
بحوالي 15 كم


فندق بورتو السخنه
للعلم المنطقه التي يقع فيها هذا الفندق تسمي
وادي الدوم وهي بعد العين السخنه بحوالي 30كم

بورتو العين السخنه
ويبعد عن السويس بحوالي 85 كم


الغطس واستخراج البصر واللوجز والسريديا في السويس
تقريبا عام 2005

رحلات الصيد في بحر بلدنا

الصيد وقت الشروق فى العين السخنة والزعفرانة 
2005 تقريبا




كوب شاى ساعة الفجرية فى الزعفرانة 2005


ده ابني عمر طالع صياد من صغره 
2005 تقريبا وادى الدوم

رحلة صيد من مطامر 2009 تقريبا
ا



هناك 26 تعليقًا:

غير معرف يقول...

الله ينور عليك استاز علاء مجموعة صور روعة بجد انا من عشاق السويس ذيك وخدت السويس كتير منى وادتها برضة كتير
اخى علاء انا ومعى مجموعة من محبى السويس بصدد عمل موسوعة شملة عن السويس من حيث الصناعة والتجاره وعائيلات السويس الرئيسية وغيرها انا خايف علاء يسرقوا تارخنا مننا ويقولوا اننا بلد ملهاش تاريخ المهم ياريت تكلمنى ده رقم التلفون وانضم معانا كل واحد بيجمع معلومات عن السويس وربنا معانا 0123650257 واسمى ايمن مهدى

غير معرف يقول...

أخي الكريم
جهد مشكور بارك الله فيك
أخذت بعض الصور لفتح موضوع بها عن السويس في أحد المنتيات
أنا سويسية مقيمة بالخارج
أتمني ألا تعارض ويمكنني حذف الموضوع حال رفضك لأخذ الصور منك
تركت توقيعك علي الصور ونوهت عن نقلي له

علاء الدين عبد المنعم احمد يقول...

الاخت توتي
كل مواضيع المدونه تحت امرك لانه في النهايه حيصب في مصلحة بلدنا السويس
وانتشار اكبر واوسع عنها
مع خالص شكري

غير معرف يقول...

بسم الله الرحمن الرحيم

اولا : الله ينور يا عاشق السويس وتسلم ايدك على الصور الجميلة ديت .

ثانيا: انا كان ليا طلب عندك وياريت تقدر تنفزهولى انا نفسى اكون منضم معكم فى تنميمت موقعك .

انا كونت عايز مجموعة من اغانى السمسميه.
ارجو ان تلبى طلبى

انا احمد من السويس من الاربعين وبحب السويس اوى وعلى فكرة انا متابعك من زمان من ايام الموقع القديم.

ده اميلى يا ريت تبعتلى ايميلك

ahmed_ahmed15821@yahoo.com

شكرا يا مستر ( علاءالدين )

غير معرف يقول...

صباخ الخير يااستاذ علاء اولا شكرا لك على هذاالجهد انا حسام المهدى صحفى بجريدة الشرق الاوسط بجدة ومعجب بعملك هذا وانا اتواصل معك الان من جدة ولكن ملحوظة هذه الصور يلزمها عددد من صور حى الاربعين لو امكنك وتحياتىلك مرة ثانية

علاء الدين عبد المنعم احمد يقول...

الاستاذ حسام لطفي
زيارتك لمدونتي المتواضعه شرف كبير لي
وشكرا جزيلا لك علي كلماتك الرقيقه
وانشاء الله ححاول التقط عدة صور لحي الاربعين واضعها علي المدونه
وعلي فكره انا عندي الكثير من المواضيع لم توضع بعد في المدونه وذلك بسبب ضيق الوقت
والله المستعان

علاء السويسي

غير معرف يقول...

انا مهندس احمد السيد من جدة بس خاطب من السويس .انت عارف ان الغربة صعبة بس صورك ريحتنى جدا.سلامى لكل حبة تراب فى اغلى واحلى واجمل بلد فى الدنيا حبيبتى مصر

غير معرف يقول...

الاستاذ /علاء نشكرك جزيل الشكر والعرفان علي هذا الجهد المتميز وانا من محبي محافظة السويس القريبة علي قلبي لارتباط قديم يذكرني بانسان غالي جدا علي قلبي بالرغم انني لم أشاهده عاش طيلة حياته في السويس ايام البحر السنابيك (القطاير)ويوجد لديه اوراق قديمه جداورسائل لأهل السويس القدماءاتمني مس كولاوالاتصال علي رقمي للمواصله وتبادل المعلومات عن السويس(00966551589464ابو عزام

demo 007 يقول...

الله عليكى يا بلدنا يا سويس بجد شغل جميل جميل و كويس ان لسه فى ناس بتحب السويس بجد زيك كده الله يوفقك و يرزقك فيها انشاء الله .
نديم على محمد
طالب سنوى عام مدرسة اللغات التجريبيه الرسميه E .

محمود جمعة يقول...

السلام عليكم
أنا اسمى محمود جمعة و لى تعليق ارجوا ان يتسع صدر الجميع لقراءته
أولا: جهد مشكور و عظيم للمهندس علاء عاشق السويس و كلنا نعشق هذه البلد التى لم تأخذ حقها إعلاميا ولا سياسيا ولا اقتصاديا حتى الآن
ثانيا: لى عتاب يا عاشق السويس .. لايجوز ان تضع توقيعك على صور السويس فهذه السويس ليست ملكا لأحد بعينه إنها ملك أجيال كاملة و منها الكثير منشور فى مواقع كثيرة على الانترنت و من حق السوايسة ان يستمتعوا بهذه الصور التى بذلت مجهودا كبيرا فى تجميعها و نشرها و نشكرك على ذلك و لكن التوقيع عليها اعطى صفة مليكتها لك و هذا غير صحيح
ثالثا و هو الأهم منذ فترة ليست ببعيدة قررنا ان نبنى للسويس موقعا كاملا نظهر به السويس التاريخ و الناس و الواقع بكل أشكاله و ملابساته و سعينا جاهدين ان يكون موقعا متميزا مفتوحا للجميع لإبداء الرأى و الحديث عن السويس بكل حرية و جعلناه موقعا و ليس مدونة و ليس موقعا مضافا إلى اى شركة تقدم استضافة مجانية بل موقعا مدفوع التكاليف و قد فعلنا حتى الآن قدر المستطاع وهو موقع بوابة السويس SUEZGATE.COM و الدعوة مفتوحة للجميع للأنضمام إليه و الكتابة بأسمه و توقيعه و نأمل أن نجمع هذا الشتات على الانترنت من محبى السويس للنشر فى هذا الموقع مع الاحتفاظ بحقوقهم فى ربط مواضيعهم بأسمائهم فقط نرجوا المراسلة على mahmoud.gomaa@suezgate.com أو mahmoud.goma@gmail.com او الاتصال على 0103331144 و يسعدنا و يشرفنا انضمامكم إلى ظاسرة بوابة السويس
مع جزيل الشكر و العرفان لجهدكم المشكور

ahmed fayed يقول...

اشكرك على هذه الصور الرائعة
رجعتنى للزمن الجميل لأننى عشت طفولتى بمعناها الجميل فى هذا البلد الرائع
إبن السويس المهاجر أحمد فايد

arts يقول...

adel_sevaey1@yahoo.com
مجهود جميل يا أستاذ علاء وأدعوك للإنضمام لأسرة راديو السويس على النت - وعلى فكرة الصورة بعنوان (البمبوطيه بالمراكب القديمه بالشراع زماااان)
دى تركيب للقطة المراكب الشراعية على الصورة الأصلية ...

غير معرف يقول...

عزيزى المهندس علاء
مجهود اكثر من رائع .. ارجو لك

كل التوفيق وكل عام وانتم والاسرة بخير

غير معرف يقول...

بسم الله الرحمن الرحيم اشكرك على المجهود الغير عادى وياريت نهتم بالسويس ونظافتها ونعمل على تجميلها لانها مظلومة اعلاميا بشكل غير طبيعى واتمنى لك يا اخ علاء مزيد من التوفيق والنجاح عبدالله السويسى (عاشق السويس)

حسام النعيمي . يقول...

شكرا ليك يا أستاذ علاء على المجهود الرائع وفعلا السويس مدينه لها تاريخ ومن اللازم الاهتمام بها في شتى الجوانب


مع تمنياتي لك بالتوفيق ان شاء الله .


من السويسي ( حسام النعيمي ) .

عبدالله كماطا يقول...

الله ينور عليك ارشيف صور نادرة يجعلنا نعتز لكوننا من ارض البواسل
السويس محافظة جميلة لنل الفخر ان نكون من هذة البلد
شكر ويارب على طول السويس جميلة
عبدالله كماطا

غير معرف يقول...

الله بجد دى صور حلوه اوى وانا من القاهر وبحب السويس اوى اوى والصور دى ريحتنى لانى مبعرفش ازرها كتير لكن نفسى اعيش فيها اوى والسلام عليكم ورحمة الله وبركاتة دودى

غير معرف يقول...

انا دودى
لو يمكن تكتبلى اميلك لانى عيزه اعرف اكتر من كده عن السويس ويبقى ليك جزير الشكر

جمال انور يقول...

الاخ علاء انا جمال انور والدى ووالدتى من مواليد السويس حبيبتى والدلى حارب فى 67 و73 والدتى اتهجرت زى كل اهل السويس وكانوا بيحكولى كتير على اللى هما شافوا بس الصورة ماوصلتش ليا الا لما شوفت الحاجات والصور اللى مش لاقى كلام اديلك حقك بية ربنا يحميك ويباركلك صدقنى مش ببالغ بس انا الدموع نازلة من عينى وانا بكتب التعليق. اد اية الناس اللى قبلينا تعبو اوى عشان خاطر احنا نكون مستريحين انتا بالنسبة ليا دلوقتى رمز لكل واحد بيحب بلدة وياريت كل واحدمعاة حاجة من تاريخ بلدنا يعرضها بحبك يا سويس

علاء الدين عبد المنعم احمد يقول...

اخي الصغير جمال انور
ماتتصورش انا اد ايه تاثرت بتعليقك
وواضح جدا من كلامك مدي حبك وانتمائك لحبيبتنا السويس ودي طبيعة كل اولاد البلد
شكرا جزيلا علي تعليقك وعلي مجاملتك الرقيقه
مع خالص تحياتي
عاشق السويس
علاء السويسي

غير معرف يقول...

عاشت اجمل مدينة مدينة السويس المقدسة

غير معرف يقول...

نشكركم على هذا الجهد الفائض من سيادتكم لانك تعرف كل الناس على جمال بلدنا الماضى ولكن الآن انا لا اعتقد انها اجمل من الوقت الماضى

ali يقول...

اخى الكريم علاء السويسي
اسمى على مصطفى كامل صادق ٠
من مواليد السويس عام ١٩٤٧ وغادرت السويس عام ١٩٦٧ يعنى وقت الحرب ٠٠ انا كنت وقتها فى مدرسه السويس الثانويه للبنين اللى على البحر٠٠٠ وغادرت القاهره عام ١٩٧٦ كمهاجر الى كندا وماذلت حتى الان بمدينه مونتريال اول زياره لى لمصر الحبيبه كانت فى عام ٢٠٠١ ومكنش فى وقت شان ازر حبيبه القلب السويس ٠٠
انهارده لما شفت صورك للسويس حقيقى مكنتش عارف اعمل ايه ٠٠٠ جبت زوجتى واولادى يشوفوا جمال البلد اللى انا نشات فيها٠٠
حيقى انت رديت الروح فى تانى ٠٠٠ بارك الله فيك ٠٠
لو اردت ان تراسلنى عنوانى ali.sadek@bell.net

عماد عبد اقادر يقول...

اللهم احفظ السويس من كل سوء الله يباركلك ياعلاءعلى الصورالنادره والجميله

مصطفى اصه يقول...

السلام عليكم انا سويسى ابن سويسى وجدى كمان سويسى من الغريب كمان من جنب جليدان العطار وابو سته الجزار الله رحمو وبعمل فى الكويت بس والله انا فخور ان انا من السويس علشان السويسه رجاله فى اى حتى ومش عارف الفكره ال الناس وخداها على شباب السويس ان هما مش بتوع شغل والله غير كده خالص هيا المشكله ان البلد اتملت اغراب والسويسى مش وخدين اى فرص عمل داخل السويس ولا مكوناش اتغربنا ولا ايه على العموم رنا يكرم واحنا النشتغل فى بلدنا والله يبركلك ياستاذ علاء

غير معرف يقول...

السلام عليكم ورحمة الله الله ينور عليك مجهود رائع جدا جدا جدا انت سويسى اصيل بصراحة الصفحة دى شرف لصاحبها وفخر لكل سويسى انا وصلت للصفحة دى بالصدفة واعجبت بيها جدا جدا جدا وفي الختام لكم جزيـــــــــل الشكر